Сумын ИТХ-ын нарийн бичгийн дарга Б.Аззаяа, ЗДТГ-ын Нийгмийн ажилтан Д.Гомбодорж нар өчигдөр сумын ЕБС-ийн 9 дүгээр ангийн сурагчидтай уулзалт зохион байгуулав.  9 дүгээр ангиа төгсөх гэж буй дүү нартаа ирээдүйн мэргэжлээ хэрхэн зөв сонгох талаар мэдээлэл өгч халуун дотно яриа өрнүүллээ. Мөн уулзалт ярилцлагын үеэр тэдэнд Дорнод аймгийн Политехникийн коллеж болон Мэргэжлийн сургалт үйлдвэрлэлийн төвийн  мэргэжлийн боловсрол олгох сургалтын талаар танилцуулж эдгээр сургуулиудын  онцлог, давуу талуудын талаар танилцуулсан нь  хүүхдүүдэд  сонирхолтой байсан тухай уулзалт ярилцлагын төгсөлд бидэнд хэллээ. Дүү нартаа  удахгүй болох улсын шалгалтанд нь өндрөөс өндөр амжилтыг хүсэн ерөөе.