2014 оны Орон нутгийн хөгжлийн сангийн хөрөнгөөр сумын төвд Цэцэрлэгт хүрээлэнгийн хашаа барих ажил хийгдсэн бөгөөд   сумын төсөвт албан байгууллагуудын ажилтан, албан хаагчид хайлаас, шар хуайс, улиас зэрэг моднуудыг тарьж  ногоон төгөл бий болгох анхны суурийг тавьж билээ. Хэдэн жилийн дараа сумын иргэд энэхүү цэцэрлэгт хүрээлэндээ  амралт чөлөөт цагаа  өнгөрүүлэх  хүүхэд багачууд тоглож наадах, очих дуртай  сайхан газар болно гэдэгт итгэлтэй байна. Иймийн тулд  иргэн бүр  санаачлагатай байж тарьсан модоо хайрлан хамгаалж, услаж ургуулан ногоон төгөл болгохын төлөө сэтгэл зүрхээ зориулаасай гэж уриалж байна.