Аймгийн Засаг даргын захирамжаар байгуулагдсан ажлын хэсэг суманд ирж ажиллав.  Аймгийн  ЗДТГ-ын дарга П.Бат-Өлзийгөөр ахлуулсан ажлын хэсэг тус суманд ой, хээрийн түймрээс урьдчилан сэргийлэх ажлын бэлтгэл бэлэн байдлыг шалгаж холбогдох үүрэг чиглэл өгч ажиллав. Ажлын хэсгийн бүрэлдэхүүнд аймгийн Онцгой байдлын газар, Байгаль орчин аялал жуулчлалын газар, Цагдаагийн газрын холбогдох мэргэжилтнүүд ирж сумын Мэргэжлийн ангийн бие бүрэлдэхүүнийг дуут дохиогоор дуудан Мэргэжлийн ангийн дэргэдэх бүлгүүдийн бүрэлдэхүүнтэй танилцаж, гал түймрийн үед хэрэглэх багаж хэрэгслийг үзэж шалгав.