Жил бүр уламжлал болгон зохион байгуулагддаг Барга ястны "Түнх"  харваа тус суманд анх удаа  08 дугаар сарын 12 ны өдөр амжилттай зохион байгуулагдав. Тэмцээнийг нээж сумын ИТХ-ын дарга Б.Бямбасүрэн үг хэлж тэмцээнд оролцогчдод амжилт хүслээ. Уг тэмцээнд Дорнод аймгийн Хөлөнбуйр сум болон аймгийн төвөөс баг тамирчид ирж оролцлоо. Нийт 4 багийн 30 гаруй харваачид эрхий мэргэнээ сорин өрсөлдсөнөөс Д.Эрдэнэбат ахлагчтай тус сумын баг тамирчид тэргүүн байр эзлэн шилжин явах цом, өргөмжлөл, мөнгөн шагналаар шагнагдсан байна. Удаах байранд Б.Батдорж ахлагчтай Дорнод аймгийн Хэрлэн сумын баг шалгарав.