Алдар гавьяаг нь мөнхжүүлэх өдөрлөг боллоо
Сумын ЕБС-ийн хамт олон сумын анхны Засаг дарга С.Сосорбурам агсны сум орон нутагтаа хийж бүтээсэн ажил, нутаг усныхаа төлөө хэрхэн ажиллаж байсан тухай ирээдүй хойч үедээ өвлүүлэн үлдээх, сурталчлан таниулах зорилгоор "Бидний мэдэх Бурам дарга" сэдэвт өдөрлөгийн арга хэмжээг зохион байгууллаа. Өдөрлөгийн хүрээнд дурсамж яриа, шүлэг, зохион бичлэг, гар зураг, хайчилбарын уралдааныг сумын иргэд, хүүхэд багачуудын дунд зохион байгуулсан бөгөөд амжилттай оролцогсдод С.Сосорбурам агсны үр хүүхдүүдийн зүгээс шагнал гардуулав. Мөн сумын Орон нутгийн судлах танхимд хүндэтгэлийн булан байгуулсан нь иргэдийн сэтгэлд нийцсэн сайхан ажил боллоо. Монгол улсад Нутгийн удирдлагын шинэ тогтолцоо үүсч хөгжсөний 25 жилийн ой энэ онд тохиож байгаатай холбогдуулан сумын анхны Засаг даргаар ажиллаж байсан С.Сосорбурам агсны гэр бүл, үр хүүхдүүдэд нь сумын ИТХурал, Тэргүүлэгчид, Ажлын албаны зүгээс аз жаргал, эрүүл энх, хамгийн сайн сайхан бүхнийг хүсэн ерөөе.