Аймгийн Улаан загалмайн хорооны орлогч даргаар ахлуулсан ажлын хэсэг 2018 оны 01 дүгээр сарын 30 нд суманд ирж ажиллав. Ажиллах хугацаандаа сумын  УЗ-н гишүүдтэй уулзалт зохион байгуулж 2017 оны ажлын тайлан болон 2018 онд хийх ажлын талаар танилцуулан  сумын УЗАШХ-ны Удирдах зөвлөлийг шинэчлэн байгуулав. Сумын УЗАШХ-ны даргаар сумын ИТХ-ын дарга Б.Бямбасүрэн, нарийн бичгийн даргаар сумын ИТХ-ын нарийн бичгийн дарга Б.Аззаяа, гишүүдээр ЭМТ-ийн вакцинатор Д.Цэрэгмаа, Цэцэрлэгийн  багш Б.Цэцэгдэлгэр, ЕБС-ийн багш О.Билэгсайхан, Соёлын төвийн номын санч Ж.Гансувд, ЗДТГ-ын нярав Ц.Дугармаа нар улиран сонгогдож ЕБС-ийн 8 дугаар ангийн сурагч Х.Дарьсүрэн хүүхдийн төлөөллөөр сонгогдлоо. Мөн энэ үеэр УЗ-н хүмүүнлэгийн үйлсэд зориулан өөрсдийн зүгээс 50 төлөг хандивласан  Цагаанхошуу багийн малчин Д.Эрдэнэсайхан, Рашаант багийн өндөр настан Т.Цагаан  нарыг  УЗ-н шагналаар шагналаа.