Аймгийн Засаг даргын захирамжийн дагуу сар  бүрийн 21 нд   "Ахмадаа сонсох өдөр" -ийг сум орон нутагтаа зохион байгуулж байх талаар заасны дагуу  энэ сарын ээлжит уулзалт ярилцлагыг сумын иргэдийн Төлөөлөгчдийн Хурал, Соёлын төв хамтран зохион байгуулж явууллаа. Энэ үеэр сумын ИТХ-ын дарга Б.Бямбасүрэн сум орон нутгийн өнөөгийн байдлын талаар мэдээлэл хийж, Сумын Засаг даргын орлогч дарга Б.Төмөрсүх, Соёлын төвийн эрхлэгч Д.Нямаа байгууллагынхаа өмнө тулгамдаж буй асуудлын талаар танилцуулж ахмадуудын санаа бодлыг сонсов. Уулзалтад нийт 19 ахмад настнууд хамрагдсан бөгөөд тэдний дунд Караоке дууны тэмцээн зохион байгуулж Т.Навчтуяа ахлагчтай  "Ахмадын аялгуу" баг тэргүүн байр эзэлж Л.Сосорбурам ахлагчтай "Инээмсэглэл" баг дэд байранд шалгарлаа.