Сумын иргэдийн Төлөөлөгчдийн Хурал, ГХУССЗ-ийн 2019 оны ажлын төлөвлөгөөнд тусгагдсаны дагуу сумын Малчдын зөвлөгөөнийг ЗДТГазар, Цагдаагийн хэсэгтэй хамтран 02 дугаар сарын 28 ны өдөр сумын төвд амжилттай зохион байгууллаа. Зөвлөгөөнд нийт 3 багийн 216 малчид, мал бүхий иргэд хамрагдлаа. Зөвлөгөөнд аймгийн Засаг даргын орлогч  Ч.Ганбат, аймгийн ХААГ-ын Мал аж ахуйн албаны дарга Д.Наранхүү, МЭГ-ын мэргэжилтэн Б.Болормаа, ЦГ-ын  МХГХТТасгийн ахмад С.Чинзориг нар урилгаар оролцлоо.Зөвлөгөөнийг нээж сумын ИТХ-ын дарга бөгөөд ГХУССЗ-ийн дарга Б.Бямбасүрэн, сумын Засаг дарга Ч.Батдэлгэр нар үг хэллээ.

Зөвлөгөөнд оролцогчдод зориулан урилгаар оролцогч нар мал аж ахуйн салбарыг хөгжүүлэх бодлого, мал хулгайлах гэмт хэргээс урьдчилан сэргийлэх болон аймгийн ИТХ-аас баталсан хөтөлбөрүүдийг танилцуулах, нийгмийн даатгал, малчны тэтгэвэр ба үйлдвэрлэлийн ослын тухай, Мал амьтны эрүүл мэндийн тухай г.м олон чухал асуудлын талаар яриа таниулга хийж тэдний асуусан асуултад хариултыг өгөв.Зөвлөгөөнөөс 7 заалт бүхий мал хулгайлах гэмт хэргийг бууруулах, урьдчилан сэрийлэх талаар уриалга гаргаж батлав.