Багуудын өдөрлөг боллоо
Тус сумын Рашаант, Цагаанхошуу, Сүмийн булаг багуудын өдөрлөгийн арга хэмжээ 06 дугаар сарын 08 ны өдөр сумын төвд амжилттай зохион байгуулагдлаа. Өдөрлөгийн үеэр цолгүй залуу бөхчүүдийн барилдаан, олс таталтын тэмцээн, хурдан морьдын уралдаанууд зохион байгуулагдлаа. Бөхийн барилдаанд Рашаант багийн залуу бөх Б.Сүхбат түрүүлж, Цагаанхошуу багийн залуу бөх Б.Одбаяр үзүүрлэж, Цагаанхошуу багийн залуу бөх С.Чинбаяр, Сүмийн булаг багийн залуу бөх Б.Хасбаатар нар шөвгөрсөн байна. Олс таталтын тэмцээнд Рашаант багийн баг тамирчид тэргүүн байр эзэлж, удаах байранд Сүмийн булаг багийн тамирчид шалгарсан байна.